| Joined HAS for abt 7 months already... I have broken a number of "woks"... I have seen how a company merged with another company... I have seen how great an industrial strike is... |
| |
| 我忽然間多左好多個名......被講0岩名要付出代價!? 呂仲量,呂俊良,呂頌良,呂盡量,呂盡良... 果然變化萬千... 但係咁多個名裡面,最令我O咀既只得呢個-呂從良... 我以前好陰險狡猾咩...?? 有一次,有個編更旱有地將我個名完全讀0岩,我就話:"終於都講0岩左我個名喇...!" 點知佢發狼厲,叫我連做兩隻柴八單開,好在冇爆... 從壞方面講,佢似乎想靠害...從好方面講,其實佢想操fit我...就係因為佢知我以前死穴係開柴八,所以要我盡快消除呢個死穴...之後果日仲大我,話俾隻開三個坡既機我做...好在冇,如果唔係爆硬... 不過我都要多謝佢,令我成功克服開柴八既陰影! --------------------- |
| |
| 今個禮拜終於出閘... 頭果兩日都俾上星期爆左單柴八既陰影籠罩住...做親機到好緊張... 大前日真係再俾個編更叫我做隻單開柴八,做到倒瀉籮蟹,好在最後都冇爆鑊... Dayoff左一日之後,我暫時可以克服到之前爆柴八所帶來既陰影! 我同自己講:"爆鑊係正常,唔爆當Bonus..我唔可以為左一個仆街ramp既一兩句說話而改變自己既心態!",成個人當堂定番晒,正! PS.希望A58組蒸蒸日上! 註解: 1)柴八:國泰航空八字頭航班,例如CX 882往洛杉磯... 2)爆鑊:在運作過程中產生錯誤,例如令飛機遲開,裝漏貨等等...我所爆既係遲左閂艙門令飛機遲開... 3)仆街ramp:一個說話難聽,滿口粗口既"停機坪統籌員ramp coordinator"... |
| |
